Хүүхэд-Залуучуудын Сургалт Хүмүүжлийн Тусгай Цогцолбор

2021/04/21

Хүүхдүүд теле хичээлдээ хамрагдаж байна.

2-р ангийн бяцханууд маань теле хичээлдээ хамрагдав. Хэсэг амраад дараа нь үлгэрийн ном уншиж ойлгосноо ярилцлаа. Мөн тооны хүрдээ бататган үзэж, цээжилж байна. Хичээгээрэй хүүхдүүдээ.

1-Р ЭЭЛЖИЙХЭН БУУЛАА.

Хүүхдүүдийнхээ аюулгүй байдлыг хангаж сонирхолтой сургалт хүмүүжлийн хөтөлбөр хэрэгжүүлж 5 хоног амжилттай ажилласан Б.Энхмаа ахлагчтай 1-р ээлжийнхэндээ баярлалаа. Сайхан амраарай.

Аж ахуйн албаны ах нартаа баярлалаа.

Өнөөдөр цогцолборын хүүхдүүдийнхээ аюулгүй байдлыг хангаж хөлбөмбөгийн талбайн хамгаалалт, хашааг засаж янзалж бэхлэв.

"Хүүхэд хүмүүжүүлэх эерэг арга" сургалтад цахимаар хамрагдаж байна.

Нийслэлийн гэр бүл, хүүхэд залуучуудын хөгжлийн газартай хамтран ажиллах гэрээний дагуу манай цогцолборын үндсэн үйлчилгээний албаны багш ажилтнуудыг чадавхжуулах сургалт эхэллээ.

Сургалтыг Гэр бүлийн боловсрол хөгжлийн дэмжих сангийн захирал, гэр бүл судлаач, багш Ч.Амартунгалаг удирдан зохион байгуулж байна.

"Залуучуудын төв"-ийн охид оёдлын дугуйланд хамрагдаж орны матраас, сандалын бүрээс оёж сурлаа.

14-16 насны хүүхдүүддээ "Хувь хүний ялгаатай байдал ба аз жаргал" сэдвээр бүлгийн ажил зохион байгууллаа.

Байгууллагын гадна орчноо цэвэрлэлээ.

Байгууллагын гадна орчин цэвэр цэмцгэр байх их чухал. Өөдлөх айл үүднээсээ. Манай хамт олон гаднаа, хашаандаа ширхэг ч хоггүй байхыг хичээдэг.

Зураг дээр: Манай ээлжийн жижүүрүүд зүлэгний шар өвсийг хамж, орчноо цэвэрлэж байгаа нь.

Smile бүлгийнхэн

"Smile" бүлгийг хариуцсан багш, хөгжлийн нийгмийн ажилтан Б.Далайбаяр: МАНАЙ ХҮҮХДҮҮДИЙН ДУНДААС ОЛИМПИЙН МЕДАЛЬТАН ТӨРНӨ ГЭЖ БОДДОГ.

Зураг дээр: Гэр бүлээрээ амттай сайхан хуушуур хийжээ.

Үсчний сургалт явагдаж байна.

Дотооддоо үсчний сургалт явагдаж байна. Манайхан удахгүй төгсөлтөө хийнэ. Мэргэжлийн үнэмлэхтэй болцгооно.

Халдварын Эсрэг Хамтдаа

Цар тахлыг даван туулахын тулд дор бүрнээ халдвар хамгааллын дэглэмээ сахиж дархлаагаа дэмжихээс гадна өрөө тасалгаа амьдарч буй орчиндоо тогтмол ариутгал хийж байх учиртай.

НОК-с зохион байгуулж буй вакцинжуулалтын ажилд манай байгууллагаас оролцлоо.

Манай аж ахуйн албаны жолооч Ж.Мөнхбат тээврийн хэрэгслийн /том оврын автобус/ бүрэн бүтэн байдал болон цэвэрлэгээ үйлчилгээ, онцгой үеийн бэлэн байдлын бэлтгэлээ сайтар хангаж ажилласан гэж мэргэжлийн хяналт, НОК-оос #САЙН гэсэн үнэлгээ авсан баина.

Жолооч Ж.Мөнхбатдаа хамт олныхоо өмнөөс баяр хүргэе.

2021/04/16

“БЯЦХАН НОМ” БҮТЭЭЖ ҮЗЭСГЭЛЭН ГАРГАЛАА.

Нийслэлийн Гэр Бүл Хүүхэд Залуучуудын Хөгжлийн Газраас нийслэлийн хэмжээнд үйл ажиллагаа явуулдаг хүүхдийн төрөлжсөн асрамж, халамжийн төвүүдийн дунд “номын гайхамшиг” болзолт уралдаан зарлагдаж, манай цогцолборын сургалтын менежер, дугуйлангийн багш нар тусгай удирдамж боловсруулан “номын гайхамшиг” аяныг 2021 оны 03 дугаар сарын 15-аас 04 дүгээр сарын 12-ны хугацаанд зохион байгууллаан.

Аяны хүрээнд 95 хүүхэд залуус болон багш нарт бяцхан ном бүтээх заавар зөвлөгөө өгч, уралдаан зарласан ба нийт 89 ширхэг бяцхан номыг хүүхдүүд маань хийсэн байна. Үүнд: “Алтангадас” бүлэг 11ш, “Сансар” бүлэг 8ш, “Family” бүлэг 10ш, “Smile” бүлэг 6ш,”Нархан” бүлэг 13 ш, “Тэмүүлэл” бүлэг 6 ш, “Ирээдүй” бүлэг 11ш, Цоморлиг бүлэг 12ш.