НЗД-н дэргэдэх Хүүхэд залуучуудын сургалт хүмүүжлийн тусгай цогцолборын 2020 оны 10-р сарын төсвийн гүйцэтгэлийн мэдээ

 

Дэлхийн алхалтын өдрийг тэмдэглэн өнгөрүүлэв

Дэлхийн алхалтын өдрийг тохиолдуулан Хүүхдийн төвийн багш хүүхдүүд “Идэвхтэй хөдөлгөөн эрүүл байхын үндэс” уриан дор нийтийн алхалтыг зохион байгууллаа.

Уг үйл ажиллагаанд багш нийгмийн ажилтнууд нийт хүүхэд багачуудын хамт  оролцсон бөгөөд Цогцолборын байрнаас Д.Сүхбаатар жанжны гэрийн буурь хүртэл хоёр км идэвхтэй алхалт хийлээ. Мөн нийт оролцогчид  гар бөмбөг, сагсан бөмбөг, хөл бөмбөг, дээс тоглож цагийг зугаатай өнгөрүүллээ. Үйл ажиллагааны үеэр ардын хувьсгалын их удирдагч Д.Сүхбаатар жанжны үйл хэрэг, байгуулсан гавьяаны талаар танин мэдэхүйн ач холбогдол бүхий мэдээллийг хүүхэд багачуудад өгсөн.

Мөн байгууллагын багш ажилчид Баянзүрх хайрхан руу алхаж цэвэр агаарт идэвхтэй хөдөлгөөн хийж эрүүл амьдралыг бусдадаа уриаллаа.

Дэлхийн эрүүл мэндийн байгууллагын судалгаанаас үзэхэд хүмүүсийн 60-85 хувь нь эрүүл мэнддээ ашиг тустай дасгал хөдөлгөөн хийдэггүй гэсэн дүгнэлт гарчээ. Хэрэв та өвчин эмгэгээс урьдчилан сэргийлэхийг хүсч байвал өдөрт хамгийн багадаа багадаа 30-аас доошгүй минут эрчимтэй алхах хэрэгтэй гэнэ.  Алхах нь тусгай тоног төхөөрөмж шаардахгүйгээс гадна жилийн дөрвөн улиралд өөрийн тохиромжтой цагт хичээллэх боломжтойгоороо бусад дасгалуудаас онцлогтой.

Амьдралын үнэт эрдэнэ болсон эрүүл мэндийнхээ төлөө хүн бүр өдөрт 10.000-аас доошгүй алхалт хийж өөртөө эрүүл энх, аз жаргалыг бэлэглэцгээе!

Залуучуудын төвийн барилгын дээврийг засварлалаа.

Тус төвийн барилга 2013 онд ашиглалтад орсон цагаас эхлэн дээврээсээ цас, борооны ус гоожин нэвтэрч, өрөө танхимуудын хана, тааз, цонхны амалгаа, барилгын дотоод заслын болон цахилгааны эвдрэл гэмтлүүд удаа дараа гарч, залуусын амьдардаг орчны эрүүл ахуй алдагдаж байсан юм.

Байгууллагын төсвөөс болон нийслэлийн хөрөнгө оруулалтын зардлаас засварын ажил хийгдэх боломжгүй байсан тул төсөл бичин “Цэцэглэх Ирээдүй Холбоо” ТББ-д хүсэлт тавьсны дагуу төслийг санхүүжүүлсэн ба өөрсдийн хүний нөөц бололцоогоороо ажиллах хүчээ  шийдвэрлэж, дээврээ А нуруу зангидан төмрөөр хучиж засварлалаа.

Мөн дээврийн А нуруу зангидах ажилд “Ондилт” ХХК–аас 9м³  хусан банз, 4м³ палк мод хандивласан.

Нийгмийн хариуцлагын хүрээнд зорилтот бүлгийн хүүхэд залуусын сурч амьдрах орчин нөхцөлийг сайжруулахад үнэтэй хувь нэмэр оруулсан “Цэцэглэх Ирээдүй Холбоо” ТББ, “Ондилт” ХХК-ны хамт олонд талархал илэрхийлж, ажлын амжилт хүсье.

Сургалтад урьж байна.

ХЗСХТЦогцолбор нь үсчин, барилгын засал чимэглэл, талх нарийн боов, мужааны богино хугацааны эрчимжүүлсэн мэргэжлийн  сургалт явуулж байна.

Манай сургалтын давуу тал:

• төрийн байгууллага
• тандарт хангасан сургалтын танхимтай
• төлбөр хямд
• цагийн сонголттой
• мэргэжлийн өндөр ур чадвартай багш нар хичээл  заана.
• чадамжийн гэрчилгээ олгоно.

Холбогдох утас:98114844, 94112253

Хаяг:БЗД, Ботаникийн эцэс, Турк сургуулийн баруун талд

Нийгмийн ажилтан ажилд авна.

 Бид зөвхөн олон нийтийн мэдээллийн хэрэгсэл, өөрийн веб сайтаар дамжуулан зарласан ажлын байрын дагуу өргөдөл хүлээн авдаг. Өргөдөл гаргахад нэмэлт материал шаардлагатай байж болох тул тухайн зарласан ажлын байрны мэдээллийг сайтар судална уу.

Өргөдлийн материалыг буцаан олгохгүйг анхаарна уу.

Хэлтэс	Албан тушаал	Тавигдах шаардлага	Хаалтын огноо	Сонгон шалгаруулалтын явц
Залуучуудын төв	Нийгмийн ажилтан	Эндээс татаж авна уу.	2020.10.30	Анкет хүлээн авч байна

Ээлжийн нийгмийн ажилтан ажилд авна.

 Бид зөвхөн олон нийтийн мэдээллийн хэрэгсэл, өөрийн веб сайтаар дамжуулан зарласан ажлын байрын дагуу өргөдөл хүлээн авдаг. Өргөдөл гаргахад нэмэлт материал шаардлагатай байж болох тул тухайн зарласан ажлын байрны мэдээллийг сайтар судална уу.

Өргөдлийн материалыг буцаан олгохгүйг анхаарна уу.

Хэлтэс	Албан тушаал	Тавигдах шаардлага	Хаалтын огноо	Сонгон шалгаруулалтын явц
Хүүхдийн төв	Ээлжийн нийгмийн ажилтан	Эндээс татаж авна уу.	2020.10.30	Анкет хүлээн авч байна

БАГШ НАРЫН БАЯР 2020

Дэлхийн багш нарын 26 дахь өдөр, Монголын багш нарын 54 дэхь өдөр багш нарын баярын арга хэмжээг цогцолборын хэмжээнд 2020.10.02-10.05-ны өдрүүдэд тэмдэглэн өнгөрүүллээ. Багш нарын баярыг тохиолдуулан хүүхэд залуус багш нартаа болон аж ахуй, захиргааны ажилчддаа баярын мэндчилгээ дэвшүүлэн өөрсдийн бэлтгэсэн  чин сэтгэлийн ил захидал илгээж, урлагийн номероор бэлэг барин багш нараа баярлууллаа. Мөн бидний баяр дээр баяр нэмэн 2020 онд амжилттай ажилласан багш, ажилчдын төлөөллийг шагнаж урамшуулан, ололт амжилтаа хэлэлцсэн бүтээлч сайхан өдрийг хамтдаа тэмдэглэлээ. Бидний баярыг дэмжин ажилласан удирдлага, хувь хүн, баярын комиссын гишүүддээ талархал илэрхийлье.

Хүүхдийн төлөө хийсэн сайн үйлс бүхэн дэлгэрэх болтугай.

БИДНИЙ БАХАРХАЛ

 Залуучуудын төвд амьдарч сурч буй А.Анужин нь 2019-2020 оны хичээлийн жилд Улаанбаатар Эмпати сургуулийн 12 дугаар ангийг ажилттай төгсөж Элсэлтийн Ерөнхий шалгалыг Нийгмийн ухааны хичээлд 800 оноо буюу 99,98%-ын гүйцэтгэлтэйгээр өгч Нийслэл хотод I байр эзэлж НЗД бөгөөд УБ хотын захирагчийн үүрэг гүйцэтгэгч Ж.Батбаясгалангаас “Бахархал” бичиг, мөнгөн шагналаар шагнууллаа. Өөрийн хичээл зүтгэлийнхээ үр дүнд МУИС-ийн ОУ-ын харилцаа, Нийтийн удирдлагын сургуулийн Гадаад харилцааны мэргэжлийн ангид элсэн суралцаж байна.

Үе тэнгийн найз нөхөд, дүү нартаа үлгэр дуурайлал үзүүлсэн хөдөлмөрч хичээнгүй шавьдаа цаашдын сурлага хөдөлмөрт нь өндрөөс өндөр амжилт хүсье.

НЗД-н дэргэдэх Хүүхэд залуучуудын сургалт хүмүүжлийн тусгай цогцолборын 2020 оны 9-р сарын төсвийн гүйцэтгэлийн мэдээ