Чимэглэх урлалын сургалт

Чимэглэх урлал 
Decorative Arts

Тус төвийн 6-18 насны хүүхдүүдэд арьсан урлаг, хүүхэлдэй урлаг, оригами урлаг зэрэг гэр урлалын төрлүүдийг хүүхдийн хүсэл сонирхол, авъяас чадварт тулгуурлан заадаг амьдрах урдагийн сургалт юм. Арьс шир, цаас, мод, лааз зэрэг гарын доорх материал ашиглан гар урлалын бүтээлийн арга технологт суралцан бие даасан уран бүтээл хийх зорилготой юм. Уран зургийн хичээл- хар зураг, өнгө судлал, чимэглэлийн зохиомж зэрэг уран зургийн суурь хичээлүүдийг үзэн системтэйгээр суралцдаг. Хүүхэд зурсан бүтээлдээ өөрийн үзэл бодлоо чөлөөтэй илэрхийлэн гаргаж, авъяас чадвараа хөгжүүлэн, өөртөө итгэх итгэлийг олж авдаг.

Дэлхийн урлагийн түүхийн хичээл –Дэлхийн урлагийн өв болсон улс орнуудын түүх соёлтой танилцан, судалгаа хийх болон монгол орныхоо гар урчуудын бүтээлээс суралцан, өөрийн бүтээлд тусган харуулж дүрслэх урлаг, гоо зүйн мэдлэгээ нэмэгдүүлснээр зөв хүн болон төлөвших ач холбогдолтой юм.

Хүүхдийн төвийн Чимэглэх урлалын сургалтаар “Асралт төв ”  ТББ- тай хамтран зүү ороох сургалтыг багш ажиллагсад, төвийн хүүхдүүдийн  дунд  зохион байгууллаа.  Тус сургалтад сургалтын багш нар бүлэг удирдсан нийгмийн ажилтан, сурагчид идэвхтэй хамрагдлаа.

Энэ сургалтаар эрхний уут 53ш, пасканы уутанд зүү ороож 47ш тус тус хийж бүтээлийн сангаа нэмэгдүүллээ. Төвийн  хүүхдүүдээс С.Сандагбат, Г.Нарантуяа, Ц.Туул, Ц.Тамираа, Д.Найдвар, Э.Анударь нар идэвхтэй сайн хамрагдлаа.