2015 оны батлагдсан төсөв, ‘’Шилэн дансны тухай хууль’’-ийн талаархи мэдээлэл хүргэлээ

       Улс, орон нутгийн төсөв, улсын болон орон нутгийн өмчийн хөрөнгийг үр ашигтай захиран зарцуулах зорилгоор хэрэгжүүлэх ‘’Шилэн дансны тухай хууль’’ийг 2015 оны 01 дүгээр сарын 01-ны өдрөөс эхлэн дагаж мөрдөхтэй холбогдуулан цогцолборын нийт ажиллагсадад хуулийн зорилт, үйлчлэх хүрээ,  мэдээлэл хүргэх хэлбэр, зарчмын талаархи мэдээллийг 2014 оны 12 сарын 23-ны өдөр хүргэлээ.

       Цогцолбор төсөв санхүүгийн ил тод байдлыг ханган ажиллахын тулд Монгол улсын засгийн газрын 2012 оны 01 дүгээр сарын 18-ны өдрийн төсөв, санхүүгийн ил тод байдлыг хангахад дагаж мөрдөх 17-р журмыг баримтлан цахим хуудсанд  ‘’Байгууллагын төсөв’’ ийн ил тод байдлын цэс нээж, холбогдох мэдээллийг тогтоосон хугацаанд цахимаар болон мэдээллийн самбараар тогтмол өгч ажиллаж байна. Цаашид:

       -Жилд 9 төрлийн

       -Хагас жилд 3 төрлийн

       -Улиралд 11 төрлийн

       -Сард 9 төрлийн мэдээллийг батлагдсан 19 төрлийн маягтаар мэдээлж, нэгтгүүлж  ажиллахаар бэлтгэл ажлаа хангалаа.

       Байгууллагын нийт ажллагсадын дунд явуулсан ‘’Шилэн дансны тухай хууль’’-ийг сурталчлах мэдээллийн үеэр тус цогцолборын 2015 оны батлагдсан төсвийг ажиллагсадын цалингийн зардал, тогтмол болон бараа үйлчилгээний урсгал зардал, нэг удаагийн тэтгэмж урамшууллын зардал гэх мэтчилэн зүйл ангиллаар танилцууллаа.