Азийн Залуучуудын Зөвлөлийн XIII Ерөнхий Ассамблейд ХЗСХТЦ-ын төлөөлөл оролцлоо

Монгол Улсын Засгийн Газар, Хүн Амын Хөгжил Нийгмийн Хамгааллын Яам, Азийн Залуучуудын Зөвлөл, Монголын Залуучуудын Холбоо хамтран Азийн Залуучуудын Зөвлөлийн XIII Ерөнхий Ассамблей “Нэг Ази 2015: Тогтвортой хөгжлийн зорилтод залуучуудын оролцоо” гэсэн сэдвийн дор 5-р сарын 18-21-ний өдрүүдэд Улаанбаатар хотноо зохион байгуулсан энэхүү чуулганд дотоод, гадаадын 23 орны 600 орчим зочид төлөөлөгчид оролцсон. Тус чуулганд залуучуудын чиглэлээр үйл ажиллагаа явуулдаг төрийн байгууллагаас цогцолборын дарга Б.Лхамсүрэн, залуучуудын төвийн эрхлэгч Т.Бадамханд нар оролцлоо.

Азийн залуучуудын чуулганы салбар хуралдаануудаар залуучуудын боловсрол, хөдөлмөр эрхлэлт, эрүүл мэнд, жендер, тогтвортой хөгжлийн зорилтод залуучуудын үүрэг оролцоо, залуучуудын талаарх бодлого, хөтөлбөрүүд ба тогтвортой хөгжил, гэсэн дэд сэдвүүдээр хэлэлцүүлгүүд явагдсан. Мөн “Хөрөнгө оруулагч бизнес эрхлэгч залуучуудын бизнес форум”, “Зүүн Хойд Азийн Залуучуудын Симпиозиум” гэсэн хоёр томоохон чуулган болсон.

Энэхүү чуулганы зорилго нь Азийн орнуудын залуучуудын “Тогтвортой Хөгжлийн Зорилтууд”-ын нэн тэргүүний чиглэлүүдийг тодорхойлох, гишүүн орны төлөөлөгчдийн харилцаа холбоог сайжруулах, нэгтгэх, тэдэнд өөр хоорондоо туршлага солилцох боломж олгоход чиглэгдэж байлаа.

Ази тивийн залуучууд Монгол оронд маань цуглан чуулаад, санал бодлоо чөлөөтэй хуваалцаж нэгдмэл байр сууринд хүрье гэж шийдсэнд талархаж байна