Цогцолборын харьяа"Од" зусланд хотын дарга зочиллоо.

       Хотын дарга гэргийн хамт өөрийн харьяа Хүүхэд залуучуудын сургалт хүмүүжлийн тусгай цогцолборын Хүүхдийн "Од" зусланд зорин очиж халамжийн төвийнхөө зусланд сурч амарч буй хүүхдүүдийнхээ орчин нөхцөл, тэдний хөгжил төлөвшлийн үйл ажиллагаатай танилцахын зэрэгцээ HUNDAI маркийн 29 хүний суудалтай шинэ автобус болон Ухаалаг Улаанбаатар хөтөлбөрийн хvрээнд Чингэсийн төв талбайд явагдсан “Венийн үдэш” цэнгүүний үeэр халамжийн төвийн хүүхдүүдэд зориулж олсон хандив болон өөрийн гарын бэлгээ хүүхдүүддээ гардууллаа. Мөн тус зусланг олон улсын хүүхдийн амралтын цогцолборын хэмжээнд ажиллах шинэ бvтээн байгуулалт хийж өгөхөө хүүхдүүддээ амаллаа. Уулзалтын үеэр нийслэлийн Засаг дарга бөгөөд Улаанбаатар хотын захирагч Э.Бат-Үүл “Сургуулийнхаа, нийслэлийнхээ нэр хүндийг өргөж яваа та бүхэндээ баярлалаа гэж хэлэхээр бид зорин ирсэн юм. Саяхан зохион байгуулсан “Венийн Үдэш” арга хэмжээнд Хүүхэд Залуучуудын сургалт хүмүүжлийн тусгай цогцолборын үлээвэр хөгжмийн хамтлаг идэвхитэй оролцож өөрсдийн ур чадвараа харуулж, хичээл номдоо чамдан амжилттай суралцаж, олон авьяастай хүүхдүүд Та бүхний дундаас гарч байгаад бахархаж байна. Хотын захиргаа Та бүхнийг дэмжиж ажиллана” гэв. "Од" зусланг зорин хүрэлцэн ирсэн Хотын дарга түүний гэргий , НЗДТГ-ын Гадаад харилцааны хэлтсийн дарга, Нийслэлийн ХГБХГ-ын дарга болон Өмчийн газрын төлөөлөгчдөд хүүхдүүд маань талархаж байгаагаа илэрийлье.