ХБНГУ-д “Театрын сурган хүмүүжүүлэх арга зүйн гүнзгийрсэн шатны сургалт”-нд тус цогцолборын сургагч багш нар хамрагдлаа

1995 оноос эхлэн ХБНГУ-ын Сургуулиас гадуурх сургалтын байгууллагуудын  холбоо /ADB/ болон Бад  Зегеберг дэх  Хүүхэд Залуучуудын академитай, Нийслэлийн Засаг Даргын Тамгын Газар, /2011 оноос НЗД-ын дэргэдэх Хүүхэд-Залуучуудын сургалт хүмүүжлийн тусгай цогцолбор, Монголын сургуулиас гадуурх сургалтын Sunrise холбоо хамтран  “Ардчилсан боловсролыг Монголын өсвөр үеийнхэнд олгох нь” хөтөлбөрийг 20  жил тасралтгүй, амжилттай хэрэгжүүлж ирсэн.

 Өнгөрсөн  20 жилийн хугацаанд монголын хүүхэд залуучуудтай ажилладаг 150 гаруй  багш,  сурган хүмүүжүүлэгчид, нийгмийн ажилтнууд давхардсан тоогоор ХБНГУ-д  дадлагад оролцож   мэргэжил дээшлүүлсэн ба ХБНГУ-ын 80 гаруй зөвлөх багш нар монголд ирж жил бүр уламжлалт симпозиум сургалтыг явуулсаар ирсэн.  

Энэ жил  ХБНГУ-ын Бад Зегеберг дэх Залуучуудын Академид 2015.06.20-07.02-ны хугацаанд Монголын 7 оролцогчийн 5 багш нь манай цогцолбороос оролцож “Театрын сурган хүмүүжүүлэх арга зүйн” гүнзгийрсэн шатны сургалтад хамрагдаж хүүхэд өсвөр үеийнхэнтэй ажилладаг Европын хөгжсөн орны шилдэг арга зүйд суралцаж өөрсдийн орны, хүүхэд залуустай ажилладаг ажлынхаа хөрсөнд буулган тусгай модуль боловсруулахаар төлөвлөөд байна.

            Мөн хоёр талын удирдлагууд цаашдын хамтын ажиллагааны талаар хэлэлцэж, 2016 онд Монголд болох ээлжит симпозиумыг Өмнөговь аймагт зохион байгуулахаар тохиролцов.