Яруу найргийн “Уран жиргээ”уран уншлагын уралдааныг зохион явуулав.

Хүүхэд, залуусын номтой нөхөрлөх,  эрдэм мэдлэгт  шамдан суралцах хандлагыг дэмжих зорилгоор Монгол Улсын Засгийн Газрын 2012- 2016 онд дэвшүүлсэн “Ном” хөтөлбөрийг амжилттай хэрэгжүүлж байна. Тус цогцолборын хэмжээнд зохион байгуулсан яруу найргийн уран уншлагын уралдааныг угтаж, нийт бүлгүүдийн дунд Монголын яруу найрагчдын намтар, уран бүтээлийг судлаж, сурталчлах, хүүхдийн оролцоонд тулгуурлан зохиол, бүтээлээс сэдэвлэсэн зураг зурах, хуулан бичлэг, цэвэр сайхан бичих, уншсан номын тэмдэглэл хөтлөх зэрэг бүтээлч ажлуудыг явуулж дүгнэхэд 1-р байрт Цоморлиг бүлэг, 2-р байрт Нархан бүлэг, 3-р байрт Good boys бүлгүүд шалгаран оролцож, өргөмжлөл үнэ бүхий зүйлээр шагнагдав.

 “Уран жиргээ” яруу найргийн уран уншлагын уралдаанд Хүүхдийн төвийн бага, дунд, ахлах насны хүүхдүүд, мөн Залуучуудын төвийн 18- 21 насны залуучууд, багш нарын төлөөлөл нийт 25 хүн оролцогч оролцож, авьяас билгээ сорин уралдав. Бага насанд оролцсон Нархан бүлгийн Э.Энхдөлгөөн “Ном” шүлгээр тэргүүн байр, дунд насанд Нархан бүлгийн Б.Энхзул, ахлах насанд  Алтангадас бүлгийн Д.Найдварсүрэн яруу найрагч Т.Галсангийн “Монгол хүний зүрхний бичээс” зэрэг шүлгээрээ оролцон тэргүүн  байрт тус тус шалгарав.

 “Нархан” бүлгийн хүүхэд, багачууд хүүхдийн зохиолч Д.Содномдоржийн “Норовын намтар” зохиолоор дүрийн тоглолт хийж, шүүгчид болон оролцогчдын талархлыг хүлээв.

Тус уралдаанд хүүхэд, багачуудаа дэмжиж оролцсон багш нараас эрүүл ахуйч Б.Туул шалгарав.