“Цасны баяр-2018”

Хүүхэд, залуучуудын чөлөөт цагийг зөв боловсон өнгөрүүлэх, хамтын уур амьсгалыг бий болгох, бие бялдрыг чийрэгжүүлэх, спортын ур чадварыг дээшлүүлэх, нэг өдрийг цэвэр агаарт гарч хөгжилтэй өнгөрүүлэх зорилгоор 2018 оны 01 дүгээр сарын 26-нд “МУЗН”-ийн Хүүхэд Залуучуудын Хөдөлгөөн, Sky Resort цанын баазтай хамтран “Цасны баяр”-ын үйл ажиллагааг амжилттай зохион байгууллаа.

Энэхүү үйл ажиллагаанд цогцолборын 90 хүүхэд 10 багшийн хамт оролцож хүүхэд, залуучууд олон улсын стандартын цанын баазад уулын болон гүйлтийн цана, сноубоард болон чаргаар гулгах боломж бүрдэж цанын болон уулын спортын талаар мэдлэгтэй болсон.

Хүүхэд, залуучуудын сурч хөгжих үйлсэд хувь нэмрээ оруулж дэмжин тусласан МУЗН-ийн Хүүхэд Залуучуудын Хөдөлгөөн, Sky Resort цанын баазын хамт олондоо талархал илэрхийлж, ажлын амжилт хүсэн ерөөе.

“ЦЭВЭР АГААР, ИДЭВХИТЭЙ ХӨДӨЛГӨӨН - ЭРҮҮЛ АМЬДРАЛЫН ҮНДЭС”