“Сансар бүлгийн нэрэмжит үндэсний бөхийн барилдаан-2018”

Хүүхэд, залуучуудыг үндэсний бөхийн спортоор хичээллэх, хүсэл сонирхлыг дэмжих, багш ажилтнуудынхаа авьяас чадварыг алдаршуулах зорилгоор сансар бүлгийн хүүхдүүд Арвандолдугаар жарны “Тийн унжлагат" хэмээх шороон нохой жилийн үндэсний бөхийн аваргуудыг шалгаруулах багш ажилчдын дунд хүчит 16 бөхийн барилдаан зохион байгууллаа.

Энэхүү бөхийн барилдаанд цогцолборын багш ажилтнуудаас бүрдсэн хүчит 16 бөх хүч чадал, уран мэхийг уралдуулан барилдсанаас Увс аймгийн завхан сумын харьяат С.Дашням түрүүлж, Төв аймгийн Сэргэлэн сумын харьяат П.Буяннэмэх үзүүрлэж, Өвөрхангай аймгийн Зүүнбаян-Улаан сумын харьяат Н.Цэрэндаваа, Төв аймгийн Ар хуст сумын харьяат Н.Анхбаяр нар их шөвөгт шалгарч алт, мөнгө, хүрэл медалийн эзэд боллоо.

Хүүхдүүдийн санаачилсан ажилд идэвхи зүтгэл гарган идэвхитэй оролцсон багш ажилтнууддаа талархал илэрхийлж  цаашдын ажил хөдөлмөрт нь өндрөөс өндөр амжилт хүсье.

“ӨНӨӨДӨР ДУСЛУУЛСАН ХӨЛС БҮХЭН ЧИНЬ

ИРЭЭДҮЙН АМЖИЛТЫН ЭХЛЭЛ БОЛНО”